VOLANDO LIBRE
PRESENTACIÓN

O grupo galego VOLANDO LIBRE, ou a procura da liberdade a través da arte, “despega” na cidade de Lugo cara ao ano 2002. Aparece na película “O ano da Garrapata” (2004). En 2005, o grupo perde ao seu primeiro membro (Anatoli), o que provoca unha paréntese de 5 longos anos na súa actividade. Volve retomar “voo” en outubro de 2010, coa incorporación de Pablo no contrabaixo. En 2011 grava o seu primeiro disco: “Ave Fénix”, no que realiza un voyage cara á belle époque modernista. Chegado o 2016, sae á venda “Miel y Jengibre”, o seu segundo traballo discográ?co, onde fai de guía por unha viaxe espiritual percorrendo distintas culturas. En marzo de 2020 morre Andrey, o guitarrista do grupo. Alfredo, Vadim e Pablo deciden seguir adiante. En xuño dese mesmo ano, abren xuntos a tempada ONLINE de Concertos IULIUS XIII. O “avión” de VOLANDO LIBRE utiliza un combustible especial, perfecta combinación de jazz, música xitana do leste, romance e canción de autor rusa, folk galego e internacional, klezmer, música clásica e ata unha pequena dose de tango arxentino. Pero o que realmente logra que o motor da aeronave funcione como un reloxo é o lubricante: unha equilibrada mestura de mestría e tolemia.

INFORMACIÓN

6 Agosto, 22:00 h.

EXTERIOR DO CEIP CASTELAO

VÍDEOS