Condicións de reserva e medidas COVID facendo click Cromática Pistona, banda madrileña formada ao longo de 2008, concíbese como orquestra popular de swing-jazz-rock. Nas súas orixes predominaban as versións de todo tipo en clave de swing e ska-jazz, pero aos poucos irán configurando un repertorio orixinal no que exploran sobre o funk, soul, rock-surf e até o bolero. A banda, con tres discos publicados (Porca Troika, 2012; Casta Brava, 2015; e Rabiosa actualidad, 2019), está formada por Errukine Olaziregi (voz principal), Daniel Cabrera (guitarra eléctrica, coros), Juan Barroso (batería, coros), Igor del Barrio (baixo eléctrico), Kiko Moreno (trompeta), Arturo Pueyo (clarinete, saxo tenor) e Miguel Peral (teclados, piano). O seu fin último é lograr divertir e divertirse a partir dunha clara vocación festiva e un repertorio certamente orixinal, ofrecendo unha potente e elegante posta en escena.