VALENTÍN CAAMAÑO QUARTET
PRESENTACIÓN

Valentín Caamaño Tubio é guitarrista, vocalista e composito r. Nacido en Santiago de Compostela, iniciouse na guitarra durante a súa infancia, en Oviedo, pero a súa carreira musical comeza unha vez establecido en Santiago, en formacións como Clan Moriarty, Space Drapes, Southbound ou Francis Kaners. Finalizou os estudos do Diploma Profesional en Jazz e Música Moderna, baixo a dirección de Paco Charlín e Suso Atanes e con profesores como o guitarrista Marcos Pin e o vocalista Ramón Bermejo, na Estudio Escola de Música en Santiago de Compostela. Participou en varias edicións do Seminario Permanente de Jazz de Pontevedra, dirixido por Paco Charlín, e nas Clases Maxistrais de músicos como Logan Richardson, Demian Cabaud, Juanma Barroso ou André Fernandes. Na actualidade lidera diversos proxectos, destacando: Valentín Caamaño Trio (con Alfonso Calvo ao contrabaixo e L.A.R. Legido á batería; proposta que foi plasmada en “The Joy”, gravación editada, en decembro do ano 2014, en formato CD no selo FreeCode Jazz Records), Green With Envy Trio (con Juyma Estévez ao contrabaixo e Andrés Rivas á batería, co que editou o disco “Green With Envy”, en 2017, no selo FreeCode Jazz Records) e Valentín Caamaño Quartet (con Xosé Miguélez ao saxo tenor, Alfonso Calvo ao contrabaixo e L.A.R. Legido á batería, plasmado no seu último disco “The Blind Wrester”, editado no selo TinyMoon Records, 2017). Actuou na práctica totalidade da xeografía galega e nacional, en festivais como o Festival Internacional de Lugo, Festival Primavera Jazz de Santiago, Festival Máis que Jazz Coruña, Festival Burgojazz, Festival NavalJazz Navalmoral, etc. e en salas como Dado Dadá, Borrquita de Belén, Garufa Club, Jazz Filloa, Arca dá Noe, etc.

INFORMACIÓN

5 Agosto, 22:00 h.

EXTERIOR DO CEIP CASTELAO

VÍDEOS