MIRO LAMAS QUARTET
PRESENTACIÓN

Ramiro Lamas Maneiro comeza a tocar o trombón aos 8 anos de idade en Taragoña (Rianxo). Cursa Grao Profesional de trombón no conservatorio de Santiago de Compostela. De seguido cursa Grao Superior de Jazz no CMUS da Coruña, onde consegue a titulación na especialidade de Trombón Jazz. Fórmase en harmonía moderna e composición con Alfredo Susavila e asiste a clases maxistrais con músicos como Ricardo Casero, Ed Neumeister, Jorge Pardo, Walter White, Julia Hülsmasnn entre outros. Colaborou en formacións como a S.E.M. Big Band, Garufa Big Band, Pin Castaño Jazz Orquesta (PCJO), así como nos grupos EMR Ensemble, Malasombra Jazz, Carla Green & The Demons, Sonia Labedynski, ou o cuarteto de trombóns “Bones 4 Fun”, entre outros. Tamén formou parte de formacións como as bandas de música da Escola de Música de Rianxo, a de Padrón, a de Catoira e a da Pobra, por mencionar algunhas. Colaborou en discos como “Unha noite de amor con Lela” da Banda escola de música de Rianxo e no 2º disco de Malasombra Jazz. Actuou con artistas do ámbito nacional como Johnny Burning, Nacho Garcia Vega, Vicky Larraz ou Javier Gurruchaga. Actualmente exerce de profesor de trombón na Escola de Música de Rianxo e na Escola Estudio (centro profesional de música moderna en Santiago de Compostela). Tamén exerce como profesor de trombón e harmonía no conservatorio do Colexio Obradoiro, na Coruña. Ramiro Lamas Quartet está formado por Ramiro Lamas, trombón (Rianxo); Xavi Cid, bateria (Allariz); Miguel Piñeiro, contrabaixo (Pobra do Caramiñal) e Tano Domínguez, piano (Dodro) e despois: No concerto de Rianxo, estarán acompañados, ademais, de Valentín Rial, saxo tenor (Rianxo) e Bernal Muiños, saxo alto (Rianxo).

INFORMACIÓN

4 Agosto, 22:00 h.

EXTERIOR DO CEIP CASTELAO

VÍDEOS