Festival Noites de Jazz. Rianxo

PRESENTACIÓN

O Festival Noites de Jazz de Rianxo, como tal, naceu no ano 2017 co ánimo de recoller o labor realizado ao longo de máis dunha década de propostas illadas, ciclos de concertos e mesmo actividades formativas arredor deste xénero musical que foron medrando e asentándose nas programacións anuais do noso Concello. Esta segunda edición do Festival pretende continuar nesta liña: asentando o traballo realizado o pasado ano e formalizar como festival unha evolución natural cara unha proposta jazzística de calidade. Nace un evento con vontade de permanencia, articulándose como unha cita periódica no calendario, que sitúe a Rianxo na rota dos eventos jazzísticos galegos en particular e dos festivais culturais de verán en xeral.